हाडीताप म्हणजे काय?

मलेरिया, न्यूमोनिया, मूत्रपिंडाचा जंतुदोष असल्यास असा ताप दिसून येतो. जेव्हा एखाद्याला बरेच दिवस सतत बारीक ताप येतो तेव्हा आपण 'ताप अंगात मुरला' किंवा 'हाडीताप' असे म्हणतो.
शरीरात जेव्हा क्षयरोगासारखे दीर्घ दुखणे असते तेव्हा असा बारीक ताप कायम असतो. त्याचा जोर थंड वातावरणामध्ये अधिक वाढतो.

ऋतुबदलामध्ये ताप येण्याची तक्रार अनेक पेशंटकडून केली जाते. वेगवेगळ्या प्रकारच्या साथी हवामानबदलामध्ये डोके वर काढतात. गारव्यामध्ये ताप येणे, डोके दुखणे, सर्दी होण्याचे प्रमाण सातत्याने वाढत असते. त्याचा प्रतिबंध करता येतो.

ताप येण्याची लक्षणे :

ऋतूबदलानुसार अंगदुखी सुरू होणे

डोके दुखणे, सर्दी,खोकला व शिंका येणे

काही विशिष्ट गंधाची अॅलर्जी गारव्याच्या ऋतूमध्येच निर्माण होणे

ताप येण्याची मुदत पाच ते दहा दिवस इतकी असणे


तापाचे प्रकार नेमके कोणते आहेत हे समजून घेऊन त्यावर उपाय करणे गरजेचे असते. ऋतुबदलामध्ये मुख्यत्वे करून तीन विविध प्रकारचे ताप येतात. साथीच्या आजारामुळे येणारा सतत राहणारा, कमीजास्त होणारा, संसर्गामुळे येणारा, तसेच हाडीताप हे प्रमुख प्रकार होय.

सतत राहणारा ताप

सतत ताप म्हणजे आजाराच्या काळात अजिबात न उतरता कायम राहिलेला ताप. हा ताप विषमज्वर, कावीळ यासारख्या आजारांमध्ये येतो.

कमीजास्त होणारा ताप

आजाराच्या काळात एकदम चढणारा व एकदम पूर्णपणे किंवा थोडासा उतरणारा ताप हात कपाळाला लावून निदान करून ओळखता येतो. थंडीताप याच प्रकारात येतो. यात आधी थंडी वाजते मग ताप येतो. मलेरिया, न्यूमोनिया, मूत्रपिंडाचा जंतुदोष असल्यास असा ताप दिसून येतो.


हाडीताप

जेव्हा एखाद्याला बरेच दिवस सतत बारीक ताप येतो तेव्हा आपण 'ताप अंगात मुरला' किंवा 'हाडीताप' असे म्हणतो. शरीरात जेव्हा क्षयरोगासारखे दीर्घ दुखणे असते तेव्हा असा बारीक ताप कायम असतो. त्याचा जोर थंड वातावरणामध्ये अधिक वाढतो.



उपचार :

ऋतुबदलामुळे डासांचे प्रमाण वाढले असल्यास त्यांना अटकाव करणे

ताप येण्याची सुरवात झाल्यावर लगेच डॉक्टरांकडे जावे

ताप अंगावर काढू नये

उष्ण ताजे अन्न, गरम कपडे, आंघोळीपूर्वी उष्मांक वाढवण्यासाठी तेलाचा वापर करावा

थंडीमध्ये कोणत्या विशिष्ट प्रकारची अॅलर्जी होते, त्यांची नोंद ठेवावी

प्राथमिक उपचारांसाठी कोमट पाण्याने अंग पुसून घ्यावे, किंवा थंड पाण्याच्या मीठ घालून घड्या ठेवाव्यात.

डेंग्यु, मलेरियासारखे साथींचे आजार हे कीटकांच्या चाव्यामुळे होतात. रक्ततपासणीने त्याचे निदान होऊ शकते.